Aankhein Thandi ho(n) Jigar Taaze ho(n) Jaanei(n) Sairab
Sacche Suraj wo dil-aara hai ujaala Tera
Mushkil Alfaz :
Aankhein Thandi hona : Pareshani dur hona , Itminan-e-Qalb hasil hona
Jigar Taaza hona : Dil baag baag hona .
Jaanein Saireab hona : Ruhani Sukun milna .
Sacche Suraj : Hakeeki aur asli Aaftab .
Dil Aa'ra : Dil ko aarasta aur roshan karne wala .
Ujala : Roshni .
Mafhoom wa Tashreeh :
Ya Rasulallah (Sallalallahu Alayhi Wasallam) ! Aap wo hakeeki aaftab-e-Nabuwat wa Risalat hein ke aapke noor se aankhon ko noor , Aur dil ko suroor nasib hota hai .Rooh ko sukun milta hai , aur jigar thanda hota hai .
Jahan Huzur (Sallalallahu Alayhi Wasallam) ko Quran Majeed mein Sirajummu Munir (Yani Roshan wa Munawwar karne wala) Suraj Farmaya gaya ,Wahan Hadees Sharif mein Farmaya gaya ke " Aap ki Zaate Girami aur Aap ke Ashab ka zikr Allah hi ka zikr hai , Aur Allah ke zikr se dilon ko sukun milna khud Quran Majeed mein mazkur hai : (Khabardar Allah ke zikr se dilon ko sukun multa hai) .
Huzur (Sallalallahu Alayhi Wasallam) ne khud irshad farmaya : Mein Apne sathiyon ke liye baees-e-Sukun aur itminan ka sabab hun .Hkikat ye hai ke ahle Imaan ke liye Aap ka zikre kair agar chain wa sukun hai to sare aalam mein ujala bhi aap ke dam kadam se hai .
Hai Unhi ke dam kadam se baage Aalam mein bahar
Wo na the Aalam na tha Gar wo nahon Aalam na ho