Tune Islam diya , Tune Jama'at mein liya
Tu Kareem ab koi firta hai atayyah Tera
Mushkil Alfaz :
Jama'at : Giroh , Murad hai sawada-e-Azam Ahle Sunnat wa Jama'at .
Firta hai : Wapas hota hai .
Atayyah : Ina'am wa Bakhshish .
Mafhoom wa Tashreeh :
Ya Rasulallah (Sallalallahu Alayhi Wasallam) ! Ye Aap ka kitna bada ahesan hai ke Aap ne mujhe (Jannati Jama'at) Ahle Sunnat mein kabool farmaya hua hai , Jo Aap ka bahot bada ina'am hai , aur Kareem wa sakhi diya hua ina'am wapas nahin lete .
Allah Ta'ala Farmata hai : (Sura Aale Imran , Aayat 106)
"Jis din kuchh munh (face) ujhale honge aur kuchh munh (face) kale "
Mufassirin upar ki aayat ke tahat likhte hein ke jin logon ke chehre kayamat ke din chamakte honge wo ahle-sunnat wa jama'at ke akaeed ke hamil log honge jin ke bare mein Huzur (AS) ne sahaba-e-kiram ke puchhne pe farmaya , "Jannati wo hein jo ke Mere aur Mere Sahaba ke tareeke par honge ."
Ahle Sunnat ka hai beda paar As'habe Huzur
Najm hai aur naaw hai Itrat Rasulallah ki